PISPIS

PISPIS

ni Tatak Tiyanak

(1st Place 101st CPU U-Day Binalaybay Contest delivered by Toni Rey Hondrado (ECE-5)


Mga nonoy kag mga inday
Mga maambong kag mga malaw-ay
Mga nanay, tatay, kamo tanan nga mga ulay
Pamati gid anay, sa akon tumalagsahon nga binalaybay


Kay ang akon igasaysay
Daw kabudlay gid ilaragway
Kay ang akon binalaybay
Sa damgo ko pa nabalay


Sg una kuno nga tiyempo
Sg ang celfone kg internet indi pa uso
May isa ka campus ngalan CPU
Central Pispis University sa Jaro


Eskwelahan sg mga pispis
May motto nga scientia et fides
Diri nagabutho sari-sari nga aves
Uwak kg pating, dapay kg tiwis- together in peace!


Sa ibabaw sg duldul
May sulat nga ginduhol
Ginbasa sg pispis nga ol-ol
CPU Development… clap (8x)… High School!


Sa ibabaw sg lunok
Mga Education nagatumpok
Gaibok-ibok nga mga umbok
Upod sa Agri nga manok, gatukturuok!


Sa ibabaw naman sg tambis
Nagahapon ang iban nga courses
Ang uwak kg daplak nga Arts and Sciences
Kag ang maragbak nga Computer Studies


Kg sa ibabaw sg narra nga langking
May nagahinuring-huring
Ay abaw! Sa pagkadamu nga tikling
Nagatirik-tirik nga mga AHSE kg Nursing


Apang, sa ibabaw sg tundal nga saging
May daku nga pispis nga naglanding
Ang agila! Nga ENGINEERING!
Maambong, maalam, in other words, simply dashing!


Dayon sa may akasya, sa tupad sg mga palma
Mga pispis nagsinadya, mga pispis nagkinanta
Maya bungol kg maya pula, maya balaynon kg maya costa
Sila nag-istorya parte sa U-Day nga programa


Sg isa ka tuig hambal sg tulabong
CPU naghiwat centenyal nga selebrayson
Ang alumni nga penguin, peacock parrot kg pigeon
Pati tiktik, bakwa kg morogmon sa CPU nagpadulong, sa CPU nagreunion!


Masadya ang tanan, kon wala tani gin-ulan
Mga pispis sg cheerdance nangin isda sa lamawan!
Apang sa gihapon ang Ginuo pasalamatan
Sa 100 years of EXCEL, fly high gid ang kapispisan!


“CPU: Moving Towards Another Century of EXCEL”, ang tema
Sg ila selebrasyon, sa sini nga hugada
Gani mga pispis ginpamangkot isa-isa
Kon ano ang ila mahambal sa nasambit nga ideya


Una nga nagtindug, kurukukuk nga maisug
Ako nagabuylog kg ako gapanikasug
Ang EXCEL magadaug, ang EXCEL ipasanyug 
Sa kalibutan sg bilog nga pispis ipalanug


Sunod nagtungkaaw, mangin-alamon nga bukaw
Ako nagapati sa palaabuton may pagtilaw
Apang ang EXCEL ipadayon kg indi pag-ipaslaw
Basta may pag-ugyon, kita gid mangibabaw


Dayon saligbat sg pispis nga salaksakan
Kita magbuligay, kita magmapisan
Sa masunog nga 100 years, aton gid nga tandaan
Nga CPU EXCEL Ginuo gid ang sadsaran


Gani sg ako ang nagbugtaw kaina sg aga
Ako gid natingala, apang may upod nga kasadya
Kay sa gua sg lagwerta, isa ka MILYON ka pispis gakinanta!
Hala, lakat sa binalaybay kg imo gid sya nga dag-a!


Gani sa sini nga ti-on, 
Bag-o ang binalaybay akon tapuson
Ako may ara lang pamangkutanon
Isa ka simple nga paktakon


Kon ang sapat nga elepante- sapat nga may panty,
Kag ang sapat nga zebra- sapat nga naga-bra,
Ti ano ang nagaboxers, brief kg bahag nga sapata?
Abi panumduma, abi imo binag-binaga…


Indi bala ang imo BIRD?! Maayong aga!